💥Чедер хөлдүң эриинге чогаадыкчы ужуражылга
💥Чедер хөлдүң эриинге чогаадыкчы ужуражылга 📢Тываның онзагай чараш бойдустуг Чедер хөлүнүң эриинде эм-таң шынары-биле ат-сураглыг «Чедер» курортунга солун болуушкун эрткен – шүлүкчү, Тываның Чогаалчылар эвилелиниң кежигүнү, Тываның күрүне университединиң даштыкы дыл башкызы, доцент, журналист Тайгана Назынчап-Очур-биле ужуражылгага дыштанып келген чон киришкен. «Черивистиң бойдус чаяаган эртинези Чедер хөлге дыштанырга, магалыг-дыр! Чоргааранчыг, ишчи, эргим, чазык чаңныг Чонум-биле ужуражырга, өөрүнчүг-дүр!» деп одуруглар-биле кежээни эгелеп, автор чыылганнарга бодунуң чогаадыкчы ажыл-чорудулгазын кысказы-биле таныштырган. Шүлүк бижип эгелээнин, чогаадыкчы оруунуң үндезин дөстерин онзалап демдеглээн – улустуң аас чогаалы, номчуттунарынга ынаа база төрээн чер-чуртунуң ыдык бойдузу улуг дазылдар болуп чоруурун чугаалаан. Боду кырган-авазының бирги уйнуу болгаш, кады чайлаглап, дузалажып, солун тоолчургу чугаа, тоолдарны дыңнап өскен. База орус дыл, чогаал башкызы авазы Мария Очур делегей чоннарының тоолдарын кежээниң-не очулдуруп, номчуп берип чорааны солун. https://vk.ru/wall-201111625_69679