💫Дайынчының чырык адынга...
💫Дайынчының чырык адынга... Август 21-де Эрзин кожууннуң Нарын сумузунга тускай шериг операциязының киржикчизи Сарыг-оол Маадыр-оолович Морганның чырык адынга тураскааткан республика чергелиг дүрген шыдыраа маргылдаазы бедик деңнелге болуп эрткен. Маргылдааны маадырның өг-бүлези, төрелдери удуртуп, өөренип чораан Нарын школазынга эрттиргеннер. Ниитизи-биле маргылдаага республиканың шыырак дээн 70 шыдыраачызы киришкен. Маргылдааның ажыдыышкынында маадырның оглу Артыш Морган ачазының чырык адынга тураскааткан оюнга киржип келген шыдыраачыларга байырны чедирип, ойнакчыларга тиилелгени күзээн. Дүрүм талазы-биле кол шииткекчи Мария Маадыр-оол, дузалакчызы Салбакай Сарыг-Лама база кол секретарь Бүгү-россия чергелиг шииткекчи Сергей Түлүш шыдыраачыларга тайылбырны кылганнар. Түңнелинде маргылдаа швейцарь чурум ёзугаар дүрген оюнга 10 минута 5 секунда дургузунда 7 оюнга болуп эрткен. Шырын аргалыг угаан оюну база бурун шыдыраа маргылдаазы 6 назы-харлыг ойнакчылар аразынга болурун чарлаан. Ачыр-дачыр нарын оюннарның түңнелинде шаңналче дараазында ойнакчылар кирген: ФИДЕ-ниң спорт мастери база Россияның 17 хар чедир оолдар аразынга тиилекчизи, Ыраккы Чөөн чүк чоннарының чемпиону Тамерлан Чындыгыр 7 оюндан 7 санны алгаш, 1-ги черге төлептиг болган; ийи дугаарын 6 санныг Россияның спорт мастеринге кандидат Мөңгүн Сарыг-Лама алган; үшкү черже база 6 санныг Россияның спорт мастеринге кандидат, Россияның 17 харлыг уруглар аразынга бирги чер дээш маргылдаага 2 дугаар мөңгүн медаль эдилекчизи Арина Иргит кирген. Маргылдааның чуруму-биле тускай шаңналдарны дараазында ойнакчылар алган: Дүгер Допай, Шуру Ондар, Артыш Чүлдүм, Тимур Иргит, Эртине Доржу, Дамба Ондар, Долзат Наксыл, Валерий Куулар. Херээжен ойнакчылар аразынга 1-ги черни Арина Иргит, 2 дугаарын Шуру Ондар, 3-кү черни Долзат Наксыл алганнар. Эр хоочуннар аразынга 1-ги черге Валерий Куулар, 2 дугаарынга Владимир Балчый-оол, 3-кү черге Иван Күжүгет төлептиг болганнар. Херээжен хоочуннар аразынга 1-ги черни Айлаңмаа Сат, 2 дугаарын Марина Доржу, 3-кү черже Марина Сат киргеннер. Бичии 10 хар чедир оолдар аразынга 1-ги черни Дамба Ондар, 2 дугаарын Даян Очур-оол, 3-кү черни Самба Ондар үлешкеннер. Бичии 10 хар чедир уруглар аразынга 1-ги черни Антонина Маадыр-оол, 2 дугаарын Ай-кыс Байкара, 3-күзүн Угулза Малбай-оол алганнар. Тиилекчилер база 2-3 дугаар шаңналдыг черлер кирген шыдыраачылар медаль, диплом, өртектиг белектер база акша шаңналдарын алганнар. Ол ышкаш эң бичии назы-харлыг киржикчилер Даниэль Ооржак, Херел Хертек, Сайын Сайфулин база ТШО киржикчизи Баттыйхан Манныкка организакчылар тускай белектерни / Алексей ЧАМБАЛ-ООЛ, спорттуң хоочуну. Чуруктарны “Тыва спорт” каналдан база ТР-ниң Спорт яамызының социал четкиде арнындан алган. «Шын» №33 2026 чылдың август 27