💥Сонуургактарга
💥Сонуургактарга 📢1958 чылда эртемденнерниң тургусканы чидип бар чыдар дириг амытаннарны болгаш үнүштерни киир бижиир Кызыл дептерден аңгыда, Кара дептер база бар. Ында кижиниң үрегдекчи чоруу-биле Чер кырындан кезээ мөңгеде читкен дириг амытаннар болгаш үнүштер кирип турар. *** Бангладеш — Мурманск облазының девискээринге барык-ла дең чурт. Ынчалза-даа ол чуртта бүгү Россияның чонундан 20 сая хөй кижи чурттап турар. *** Оргаадайның (женшень) кадыкка ажыктыын билир бис. Ынчалза-даа медицинаның санап турары-биле, оргаадайның эм шынары петрушка азы сельдерейден бичии-даа ылгал чок. «Деньги» деп сөс түрк «тенге» деп (Бурунгу чөөн чүк чурттарынга бичии мөңгүн чоостар) сөстен укталган. Амгы үеде тенге — Казахстанның акша хемчээли. *** Бөмбүрзекте чурттап турар кижилерниң улуг кезии кажан-даа хар көрбээн. *** Американың Хосталга статуязын (статуя Свободы) Нью-Йоркта эвес, география-биле Нью-Джерси штаттың Хосталга ортулуунда {Liberty Island) тургускан. *** Чараа-чеченнер — араатан амытаннар. Оларның ынак чеми — пагалар болгаш курт-кымыскаяктар. Чараа-чеченнер яблок болгаш мөөгүлер чивес, ол ышкаш ооргазында инелеринге кат-чимис дажывас. *** Ак адыгларның кежи кара, дүгү ак эвес, а өттүр көстүп турар. "Силерниң билбейн чорууруңар 1000 кайгамчык болгаш бүзүрээр аргажок фактылар" деп электроннуг номдан алган. «Шын» №32 2026 чылдың август 20