I КОЖУУННАРДА АМЫДЫРАЛ I
I КОЖУУННАРДА АМЫДЫРАЛ I 💫Мөген-Бүренге байырлал Мөңгүн-Тайга кожууннуң Мөген-Бүрен сумузунуң 90 чылынга, “Мөген-Бүрен” совхоз биле “Алёнушка” бичии уруглар садының 60 чылынга тураскааткан улуг байырлал Мөген-Бүрен суурга эрткен дыштанылга хүннеринде болуп эрткен. Тус черге улуг ужур-дузалыг, төөгүлүг бо болуушкуннарның байырлалынга барыын кожууннарның төлээлери барып киржип, мөген-бүренчилерниң өөрүшкүзүн үлешкен. Россияның маадыры Чалым Чүлдүм-оол байырлалга киржип, тус черниң чонунга байырны чедирип, моон соңгаар-даа шудургу ажылдап чурттаарын болгаш бүгүдеге чедиишкиннерни күзээн. Мөген-Бүренниң хөгжүлдезинге көскү үлүүн киирген кижилерни шаңнап-мактаан. Сарлык байырлалын, тыва хүреш маргылдаазын эрттирип, байырлал концертин көргүскен. Байырлалдың база бир солун чүүлү тыва хүреш маргылдаазы болган. Чидиг-чидиг сегиржип алыышкыннарның түңнелинде Чөөн-Хемчик кожуундан Арзылаң мөге Мөңге-Эртине Куулар шүүлген. Улуг-Хемден Хартыга мөге Демир-Хая Самдан үжүүрлешкен. https://vk.ru/wall-201111625_68771