💥Өзүмнерни олурткан
💥Өзүмнерни олурткан 📢Балгазынның болгаш Чадаананың школалары часкы тарылга ажылдарын эгелээн. Аграрлыг класстарның өөреникчилери 2,5 муң ажыг ногаа өзүмнерин тараан. Амгы үеде чылыткыларда янзы-бүрү сорттарның перецтери, томаттары база чечектер өзүп турар. Школачылар улаштыр эртем-шинчилелдерин эрттирерин планнап турар: культуралар өстүрериниң байдалын шинчилээр, чер ажыл-агыйының методикаларын ажылдап кылыр. Бот-идепкейни “Көдээ ажыл-агый комплекизиниң технологиялары” национал төлевилелдиң “Көдээ ажыл-агый комплекизинде кадрлар” деп федералдыг программа-биле боттандырып турар. 2025 чылдан тура Россияның школаларында келир үениң көдээ ажыл-агый специалистерин белеткээринче угланган “Көдээ ажыл-агый технологиялары” деп профильди киирген. Ол төлевилелде Тываның 2 школазы киржип турар. Бистиң корр. Чурукту ТР-ниң Өөредилге яамызының социал четкиде арнындан алган. “Шын” №11 2026 чылдың март 26