💥Чычаанныгда чыргалдыг-ла
💥Чычаанныгда чыргалдыг-ла 📢Оо, боктаразында, көрүп көрбээн кижиниң угаан-кудун уштундурар ондактыг овур-хевирлиг, кулак уюк дааш-шимээнниг оттуг-тергеден эгелеп алгаш, оң талазынче ээптер деп канчап билип кааптар ирги диртир улуг, биче чычааннар, даргалар сөөртүр «чиик-каралар», чон аргыштырар «чазактың саралазы» баштадыр амыдыралывысче шургуп кирип келген машина-техниканың ажыы улуг-ла болдур ийин. Ырак-узак черлер чедип, эртем-билигге өөренип, ажыл-хожулга тургустунуп, дөргүл-төрелинге аалдап чедер дөрт даванныг, оът чемиштиг хөлгени дөрт дугуйлуг, бензин-керосин чемиштиг, хөөмейлээр хөректиг демир хөлге солаанындан бээр тыва чоннуң амыдыралы оранчок өскерилген. Баяанывыс-даа кончуг, багывыс-даа кончуг апарган. Чажыргаш канчаар, дайын-чаада киржип турар-биле дөмей, ай санында чаңгыс эвес чараш чычаан чылча шаапкан лааза дег чуурлуп, чаңгыс эвес тыва черниң төлептиг төлүн ышкынып турар апардывыс аа? Хамык ужур Тывавыстың оруктарын каастап чоруур янзы-бүрү каас-чараш машиналарда-даа эвес, а оларның рулюн долгап чоруур чолаачыларда болбас ийикпе. Орук озал-ондактарынга доктаавайн, оюп каапкаш, чычаанныг кижилер болгаш оларның сагыш-сеткилин, хүн бүрүде таваржып чоруур ужуралдарын сонуургап көрээлиңер. 📢КЫМ КАНДЫГ ЧЫЧААННЫГЫЛ? https://vk.ru/wall-201111625_71468. Надежда КУУЛАР. ГигаЧаттың чураан чуруу. «Шын» №41 2026 чылдың октябрь 22