Николай Долгунов Үөһээ Бүлүү улууһун баһаарынай сулууспатын коллективын кытта көрүстэ.
Николай Долгунов Үөһээ Бүлүү улууһун баһаарынай сулууспатын коллективын кытта көрүстэ. Көрсүһүүгэ Николай Николаевич, бастатан туран, баһаарынай сулууспа үлэһиттэрин ситиһиилэринэн эҕэрдэлээтэ. Үөһээ Бүлүүтээҕи баһаарынай сулууспа 14 киһилээх хомуур хамаандата бу күннэргэ Сунтаар улууһугар ыытыллыбыт баһаарынайдар спортарын Бүлүү бөлөх улуустарын чемпионатыгар кыттан үрдүк ситиһиилээх кэлбиттэр. 9 көрүҥҥэ күрэхтэһэн, тыҥааһыннаах киирсии түмүгэр, бэрт кыранан Бүлүү улууһун хамаандатыттан хаалан иккис бочуоттаах миэстэни ылан, балаҕан ыйыгар ыытыллар өрөспүүбүлүкэтээҕи баһаарынайдар чемпионаттарыгар кыттарга путевканы ылары ситистилэр. Кандидат хамаанданы эҕэрдэлээн, өрөспүүбүлүкэтээҕи чемпионакка ситиһиилэри баҕарда. Николай Николаевич көрсүһүүгэ инники үлэтин былаанын, быыбар иннинээҕи бырагыраамматын билиһиннэрдэ. Кини этэринэн, "Оскуола-Үөрэх-Үлэ" ситимэ быстыспакка сайдан, Саха өрөспүүбүлүкэтэ бүддьүөт эрэ харчытыттан тутулуктаммакка, хааччахтаммакка, элбэх үбү эргитэргэ саҥа механизымнары, саҥа көрүүнү, саҥа сайдыыны ирдиир. Аан бастаан сайдыылаах норуот төрүөтэ оскуолаттан саҕаланар, онтон орто, эбэтэр үрдүк үөрэх кыһатын талан, инники идэни талан уонна салгыы үлэһит буолан хас биирдии саха киһитэ бэйэтэ сайдар суолу талыахтаах. Маныаха, холобур буолар Үөһээ Бүлүүтээҕи техникум, эдэр көлүөнэ баһаарынайдары иитэн таһаарыыга сүҥкэн кылааты киллэрэрин бэлиэтээтэ. Техникумҥа анал дьарыктанар баһаарынай площадка оҥоһуллан, устудьуоннар уопуттаах баһаарынай буолан тахсалларыгар үлэлэһэр. "Биһиги билигин үөрэххэ болҕомто уураммыт, улууспут кэнчээри ыччата сайдарыгар үлэлииргэ сыал-сорук турар", – диэн Николай Долгунов эттэ. Маны таһынан, Николай Николаевич "Биир ньыгыл Россия" партия норуот бырагыраамматын "Модернизация пожарной охраны" диэн хайысхата көхтөөхтүк үлэлээн, нэһилиэнньэ харысхаллаах буоларыгар балысхан үлэ барбытын бэлиэтээтэ. Ол курдук, АДПИ хас биирдии тыа сирин дьиэтигэр босхо туруоруллар, саҥа баһаарынай-быыһыыр сулууспалар арыллаллар, ол иһигэр Үөһээ Бүлүү улууһугар эбии 6 муниципальнай биир кэлим аварийнай быыһыыр сулууспалар арыллан үлэлииллэр. Көрсүһүүнү түмүктээн, депутатка кандидат салгыы бу тэтими ыһыктыбакка үлэлииргэ, түмсүүлээх буоларга ыӈырда уонна нэһилиэнньэ олоҕо харысхаллаах буоларыгар күннэри-түүннэри сулууспаҕа турар баһаарынай сулууспалаахтарга махтал тылын тиэртэ. #ЕдинаяРоссия #ЕР14 #НиколайДолгунов #БиһигиКүүспүтТүмсүүгэ max.ru/channel_VNikolaev