⚜️⚜️⚜️⚜️⚜️⚜️⚜️
⚜️⚜️⚜️⚜️⚜️⚜️⚜️ Атырдьах ыйын 18 күнүгэр Хотун Бүлүү хаҥас кытылын уһук сытар нэһилиэктэригэр — Боотулуу уонна Сургуулук олохтоохторун кытары көрүстүм. Сүрүннээн тыа хаһаайыстыбатын, ынах ыамын уонна үүтү туттарыы туһунан кэпсэттибит. Ону сэргэ Боотулуу нэһилиэгэр тутулла турар Амбулатория дьиэтин үлэтин хамыытын билистим. Сэргэхсийбит көрсүһүү сиэринэн, балаҕан ыйын 18–20 күннэригэр буолуохтаах быыбар туһунан санаабытын үллэһиннибит «Биир ньыгыл Арассыыйа» баартыйа туруорар дьонун өйүүллэрин биллэрбиттэриттэн үөрдүм. Чахчы даҕаны биһиги дойдубут бэрэсидьиэнин Владимир Путины өйөөн, ыччаппыт кэскилин туһугар куоласпытын биэрэрбит, оҕолорбут, ыччаттарбыт сырдык олоххо тардыһан, үгүһү ситиһэллэригэр төһүү күүс буолуоҕа. Бу көрсүһүү улуус кииниттэн тэйиччи сытар тыа сирин олохтоохторугар олус суолталаах түгэн буолан, бары да сэргэхсийэн уонна астынан тарҕастыбыт. Дьон бэйэлэрин кыһалҕаларын иһитиннэрэн, ыйытыктарыгар хоруй ылбыттарыттан ордук астынным.