Үөһээ Бүлүү улууһугар "АЛРОСА" акционернай хампаанньа генеральнай директора Павел Алекс...
Үөһээ Бүлүү улууһугар "АЛРОСА" акционернай хампаанньа генеральнай директора Павел Алексеевич Маринычев, генеральнай директор бастакы солбуйааччыта Сергей Викторович Павленко, генеральнай директор солбуйааччыта Алексей Прокопьевич Дьячковскай үлэ сырыытынан ыалдьыттаатылар. Үөһээ Бүлүүгэ үлэ сырыытын чэрчитинэн, алмаас хостуур хампаанньа билиҥҥи үлэтин, алмаас атыыланар рыногын туругун сиһилии сырдаттылар. Мунньахха улуус активын кытта көрсүһүү буолла, олохтоохтор хампаанньа үлэтин, инники былаанын, экономическай туругун туһунан интэриэһиргээбит ыйытыыларын биэрдилэр. "АЛРОСА" АХ салалтата улууспут үүт аһы оҥорон таһаарар комбинатыгар сырытта. Комбинат үлэтин уонна бородууксуйатын хаачыстыбатын үрдүктүк сыаналаатылар, ол түмүгэр комбинат оҥорон таһаарар бородууксуйатын ыларга сөбүлэҥ түһэрсэргэ былааннастыбыт. Ону таһынан, Үөһээ Бүлүү улууһун соҕотох үүт аһы оҥорон таһаарар комбинатыгар саҥа упаковкалыыр оборудованиены уонна үүт бородууксуйатын таһарга рефрижератордаах техниканы ыларга "АЛРОСА" хампаанньа күүс-көмө буоларын бигэргэттэ. Маны сэргэ, оҥоһуллан тахсыбыт бородууксуйаны атыылаһан, олохтоох бородууксуйаны өйүүргэ бэлэмнэрин эттилэр. П.А. Маринычев Үөдүгэй нэһилиэгэр "АЛРОСА" дивиденынан тутуллан саҕалаабыт "Универсальный зал спортивных единоборств" спорт эбийиэгин тутуутун көрдө. Билигин дивидент тохтоон, үбүлээһин суох буолан тутуу үлэтэ бытааран турар. Маныаха Павел Алексеевич дьиэ сваяларыгар билиҥҥи ирдэнэр ирбэт тоҥу күүһүрдэр анал системены туруорууга үбүлээһини "Алроса" көмөлөһүөн сөбүн биллэрдэ. Павел Маринычевка уонна кини хамаандатыгар тас дойдулар санкцияларыттан хампаанньыйа экономиката төһө да ыарахаттары көрүстэр, Үөһээ Бүлүү улууһун социальнай-экономическай сайдыытыгар улахан болҕомто ууралларыгар махтанабыт. #Алроса #ҮөһээБүлүү T.me/ValeriNikolaev