Бүгүн, бэс ыйын 14 күнүгэр, «Түгэхтэй» алааска «Дьулуур» спорт адаптивнай көрүҥнэригэр ...
Бүгүн, бэс ыйын 14 күнүгэр, «Түгэхтэй» алааска «Дьулуур» спорт адаптивнай көрүҥнэригэр Саха Өрөспүүбүлүкэтин XV спартакиадатыгар барар улуус делегациятын атаарыы үөрүүлээх сиэригэр-туомугар кыттыыны ыллым. Делегацияҕа СР культуратын туйгуна,норуот айымньытын киинин алгысчыта Трофим Миронов-Бэргэн алгыс этэн, бары үтүөнү баҕаран атаарда. Санатан эттэххэ, бу бэс ыйын 15-19 күннэригэр Дьокуускай куоракка ыытыллыахтаах улахан эппиэттээх күрэхтэһиигэ улуустааҕы инбэлииттэр обществоларын председателэ Зоя Петрова салайааччылаах Үөһээ Бүлүү 44 спортсмена кыттыаҕа. Кинилэр уонна 2 тус сыаллаах байыаннай дьайыы кыттыылаахтара улууспут чиэһин көмүскээн, чэпчэки атлетикаҕа, голболга, буулдьанан ытыыга, олорон эрэ волейболга уонна традиционнай оҕунан ытыыга күүстэрин холоһуохтара. Бу сиэр-туом спортсменнар санааларын күүһүрдэн, күүрээннээх күрэхтэһиигэ бэлэмнэрин өссө чиҥэттэ. Улууспут олохтоохторун аатыттан спортсменнарбытыгар эрэлбитин биллэрэн туран, «Дьулуур» спартакиадаҕа үрдүк ситиһиилэри, кыайыы өрөгөйдөөх эргиллэллэригэр баҕарабыт! Айан суола аһаҕас, күрэхтэһиилэр ситиһиилээх буоллуннар! Үтүө баҕа санааны кытта, Үөһээ Бүлүү улууһун Баһылыга Валерий Николаев #Адаптивнайспорт #Дьулуур #XVспартакиада http://T.me/ValeriNikolaev