Үөһээ Бүлүү улууһугар үүт тутар, арыы оӈорор собуоттар үлэ сезонун саҕалаатылар. Үөһээ ...
Үөһээ Бүлүү улууһугар үүт тутар, арыы оӈорор собуоттар үлэ сезонун саҕалаатылар. Үөһээ Бүлүүгэ, Ороһуга, Тамалакааҥҥа собуоттар төгүрүк сыл үлэлииллэр. Сургуулукка арыы собуота муус устар 12 күнүттэн, Трудовой учаастагар муус устар 29 күнүттэн, Кырыкыйга, Далырга ыам ыйын 1 күнүттэн, Боотулуу Көтөрдөөҕөр ыам ыйын 4 күнүттэн, Маҥааска ыам ыйын 5 күнүттэн уонна Мэйиккэ ыам ыйын 12 күнүттэн үлэлэрин саҕалаатылар. Быйылгы үүт туттарыытын былаана 2101,26 тоннаҕа тэҥнэһэр. Билиҥҥи туругунан, 171 тонна 600 киилэ ыанна. Тыа хаһаайыстыбатын салаатын улууска бэриллибит боломуочуйаларын туһаныы чэрчитинэн, «Кыра кыамталаах хотону тутуу уонна модернизациялааһын» бырагыраамма быйыл иккис сылын үлэлиир. Кыра кыамталаах тутуу үбүлээһинин кээмэйэ 24 750 000 солк. тэҥ. Былырыын бу салааҕа эмиэ бачча үп көрүллүбүтэ. Маныаха Сургуулукка, Намӈа, Үөһээ Бүлүүгэ хаһаайыстыбалар хотон туттубуттара, саӈардыбыттара. Быйыл бу үбүнэн улууска 3 хотон тутуллара былааннанан турар. Бастакы отборга Мэйик нэһилиэгиттэн тэриллиилээх хаһаайыстыба баһылыга Потапов Александр Николаевич, иккис отборга Тамалакаан нэһилиэгиттэн фермер Руфов Алгыс Антонович 50 төбөҕө хотон тутуутугар отбору ааһан кыайыылаах буоллулар. Мэйиккэ Потапов Александр Николаевичка 8 687 500 суммалаах хотон тутар бэдэрээччити кытта дуогабар баттанан турар. Оттон Тамалакааҥҥа Руфов Алгыс Антоновичка 8 031 250 солк. суммалаах хотон тутуллуохтаах. Бэдэрээччит – чааһынай урбаанньыт Семёнов Айсен Александрович. Хотоннору тутуу бу күннэргэ саҕаланна, быйыл үлэҕэ киллэрэрдии былаанныыбыт. #СельскоеХозяйство #ҮөһээБүлүү #ТыаХаһаайыстыбата https://max.ru/c/-74511206305228/AZ4bXH-ucmI