Үөһээ Бүлүү киинигэр баар "Үс Хоһуун" стадиоҥҥа оскуола үөрэнээччилэрин кыттыылаах, өрө...
Үөһээ Бүлүү киинигэр баар "Үс Хоһуун" стадиоҥҥа оскуола үөрэнээччилэрин кыттыылаах, өрөгөйдөөх байыаннай-патриотическай парад ситиһиилээхтик ыытылынна. Бу тэрээһин Аҕа дойду Улуу сэриитин буойуннарын хорсун быһыыларын кэриэстээн, кэлэр көлүөнэҕэ патриотизм тыынын иҥэрэргэ анаан ыытылынна. Оскуола оҕолоро, эдэр ыччат, улуу сэрии дьоруойдарын үйэтитэр сыаллаах бырааһынньыктааҕы хаамыыны көрдөрдүлэр. Параады Үөһээ Бүлүү улууһун байыаннай дьайыылар ассоциациятын бэрэсэдээтэлэ, анал байыаннай дьайыы бэтэрээнэ Владимир Поскачин иилээн-саҕалаан ыытта. Кини хорсун саллааттарбыт үтүө ааттарын үйэтитэргэ, оҕолорго үтүө холобуру көрдөрөргө сүҥкэн кылаатын киллэрдэ. Параад бастакы колоннатыгар анал байыаннай дьайыы кыттыылаахтара, билиҥҥи кэм дьоруойдара хааман киирбиттэрэ дьон сүргэтин көтөхтө. Бу бырааһынньыктааҕы хаамыы Үөһээ Бүлүү олохтоохторугар умнуллубат умсугутуулаах түгэни бэлэхтээтэ. #9мая #КыайыыКүнэ T.me/ValeriNikolaev