Загружаем канал…
Мы используем файлы cookie для работы сайта и аналитики посещаемости. Подробнее в Политике обработки данных и Правилах.
Канал в MAX
🌾 "Тормыш агымы" - минем көндәлек тормышым, уйлануларым һәм кызыклы мизгелләрем агымы. Биредә тормышның һәр көненнән ямь табу, гади әйберләрдә матурлык күрү һәм файдалы киңәшләр тупланган. Җылы, тыныч каналыма рәхим итегез! https://max.ru/u/f9LHodD0cOITH0LlFMe_y1fYTkH24MFnf11nobd9q2IRkg-tpINz6f-EZ3M
Пәйгамбәребез Мөхәммәд саллаллаһу гәләйһи вә сәлләм кара тмин турында: «Кара тминны кулланыгыз, чөнки анда үлемнән кала барлык чирләрдән шифа бар» (Бухәри), — дигән. Санап карасам, без бу орлыкны һәм аның маен гаиләбез белән егерме еллап кулланабыз икән инде. Мәктәп елларында мин тонзиллит белән бик нык интегә идем. Тамагым гел сызлый, шешә, бернинди дарулар да озакка ярдәм итми иде. Кара тмин куллана башлагач бер ай эчендә тонзиллитның эзе дә калмады! Шул вакыттан бирле бу чир мине борчыганы юк,Аллаһка шөкер! Кара тмин мае һәм орлыгы — безнең гаилә аптечкасында НОМЕР 1 чара. Балалар мәктәпкә киткәндә 1 бал кашыгы иртән эчертәм (тамак төбен төзәтә, инфекцияләрне үтерә). Шулай ук бу май белән балаларның аркаларын, аяк-кулларын ышкыйм, вируслардан саклар өчен борын эчләренә сөртәм, …
Читать целикомФото
Һәр туган таң — Раббыбызның безгә биргән бүләге . Бу дөнья сынаулардан тора, әмма без беләбез: һәр кыенлыктан соң җиңеллек килә. Аллаһ Тәгәлә һәрберебезнең юлын, эшен, тормышын җиңеләйтсен. Йөрәкләребезгә иман нуры, өйләребезгә бәрәкәт һәм тынычлык иңдерсен. Бер-беребезне ишетә белик, дуслыкның, туганлыкның кадерен белик. Бүгенге көн безгә тик яхшы хәбәрләр генә алып килсен! 🌻🍃🌻🍃🌻🍃🌻🍃🌻
Ашарга пеште, Аллаһка шөкер! Ризыкларыбыз мул, бәрәкәтле булсын!
🍓🌿Сезгә дә киңәш итәм шушы ремонтантлы "Руяна" җиләген үстереп карарга. Быел кыш аенда Озоннан орлыкларын алып утырттым, бик ошады. Җәй буе күп итеп җиләк бирә, хуш исле, тәмле, каен җиләге кебек. Әнигә дә үсентесен үстереп биргән идем, ул да яратты, хәтта вареньесын да кайнаткан.
Видео
Хәерле кич, дусларым! ✨ Бүген көне буе сезнең яныгызга чыкмаганмын икән бит. Көнне бөтенләй башка планнар белән башлап җибәргән идек, ләкин тормыш үз төзәтмәләрен кертте: кечкенә улым температуралап авырып китте. Сабыемны көйләп, карап, бүген көне буе өйдә генә булдык. Телефонны кулыма алырга бер минут та вакыт булмады. Хәзер олыларын мәктәптән алырга барганда, бәләкәчебез дә миңа ияреп чыкты. Йончып ятканнан соң, саф һава үзенекен итте — хәзер менә велосипедында мәйданчык буйлап җилдерә! Көне буе җыелган энергиясен чыгара хәзер. 😊 Мондый көннәр әниләрне тагын да сабыррак һәм көчлерәк итә. Сирәк булса да, гаджетлардан аерылып, тулысынча гаиләгә чумып алуның да үз хикмәте бардыр.
✨🌙Йокы — ул ял итү генә түгел, ә гыйбадәт тә булырга мөмкин икән. Әгәр без Пәйгамбәребез ﷺ сөннәтенә һәм киңәшләренә ияреп йокларга ятсак, йоклаган вакытыбыз өчен дә әҗер-савап языла. Пәйгамбәребез ﷺ кич җиткәч вакытны дөрес бүләргә өйрәткән. Сәхих хәдистә болай диелә: «Аллаһ илчесе ﷺ ястү (ишә) намазына кадәр йоклауны һәм аннан соң (буш, файдасыз сүзләр сөйләп) утыруны яратмады». (Бухари, Мөслим) Бу хәдистә зур хикмәт бар: кич белән вакытны бушка уздырмыйча, иртәрәк йокларга яту — иртәнге намазга җиңел уянырга һәм иртәге көнне дөрес башларга ярдәм итә. ✨ Йокыгыз гыйбадәт булсын өчен 3 гади адым: 1)Вакытында яту. Кич белән телефонда озак утырмыйча, иртәрәк ял итәргә омтылу. 2)Тәһәрәт алу. Намазга әзерләнгән кебек тәһәрәтләнеп яту. 3)Ихлас ният. Иртәгә Раббыбызга гыйбәдәт кылырга, га…
Читать целикомӘлхәмдулилләһ, яңа атнага аяк бастык! «Дүшәмбе — авыр көн» диючеләрне тыңламыйбыз, без бүген барысын да бик җиңел дип башлап җибәрәбез! ✨ Өч малай белән узган ике көнлек яллардан соң өйнең асты өскә килде — димәк, өйдә тормыш кайнап тора! Бүгенге планнар : өй җыештыру, бакчада эшләп алу, бер атна инде чөгендердән квас ясарга кирәк дип йөрим,ансын да эшләргә кирәк. ИншәәАллаһ! Уңышлы, бәрәкәтле көннәр барыбызга да! ❤️
Ял көне кем генә ял итә микән ул? 😂 Ленар шлифовать итеп бетерә дә, аннары минем чират — буярга керешәчәкмен, иншәАллаһ. 🛠️🎨 Яңгыр гына яумыйча торсын иде, буяп куеп эшен бетерәсе бар бит. Сездә яллар ничек уза?
Әлхәмдулилләһ, төшке ашка борчак ашы һәм бәрәңге шәңгәсе пешердем! Камырын кефир, май һәм йомыркага бастым. Бу ризыкның исеме төрле якта төрлечә бит: пәрәмәч, пәрәпәч, ачык бәлеш, камыр юкасы диләр. Ә сезнең якларда бу ризыкны ничек атыйлар? Комментарийларда языгыз әле, бик кызык! 👇 Раббыбыз хәерле, мул ризыкларын бирсен барыбызга да! Әәмиин.
