Марий Эл гыч элнан 6 «шокшо» регионышкыжо 70-ше гуманитар грузым колтеныт.
Марий Эл гыч элнан 6 «шокшо» регионышкыжо 70-ше гуманитар грузым колтеныт. Тидын нерген республик вуйлатыше Юрий Зайцев шке воткыл лаштыклаштыже тыге палемден: – Чылаже кум фур да ик грузовой «Газель» машина полышым колтымо. Тушко 9 автомобильым, нунын коклаште чыла вере гаяк кудалын кертше машина-влакым, 2 «Эндуро» мотоциклым, 20 кубометр пиломатериалым да шуко моло тӱрлӧ кӱлешан грузым чумырымо. Посна верым республикыште илыше-влакын тӱрлӧ семын ямдылыме пакчасаскашт, варене, коштымо фрукт ден емыжсаска, свежа пакчасаска айлат. Тыгак шефствыш налме Куйбышев районысо тунемше-влаклан книгам да канцеляр ӱзгарым чумырымо. Тидын дене пырля военнослужащий-влаклан вургемым, йолчиемым да эн кӱлешан арвер-влакым колтымо. Грузым республикыште илыше-влакын, «Za Марий Эл» фондын, волонтёр, организаций ден поро кумылым ончыктымо пашам шуктышо-шамычын полшымышт дене чумырымо. Мемнан боецна-влаклан ме мо кӱлешым чыла ситараш тыршена. Кӧ полша, чылаштлан тау!