23 октябрьыште Башкортостан Республикысе Мишкан селан марий историй да тӱвыра рӱдерышты...
23 октябрьыште Башкортостан Республикысе Мишкан селан марий историй да тӱвыра рӱдерыштыже «Ворота Родины – Шочмо капка» лӱм дене финн-угор ял-влакын фольклор пайремышт эртаралтеш. Программыште калык кидмастар-клакын ыштыш-кучышышт, тӱрлӧ чес ончыкталтыт; марий, одо да мордва кудо-влак шкешт дек ӱжыт; фольклор коллектив-влак усталыкыштым ончыктат. Ожно кажне марий ял мучаште пасугапка лийын. Тудо тора корныш лекме годым ялысе айдемылан омса лондем семын чучын, кумда тӱня да ялысе тӱня коклаште шкешотан межа гай лийын. Пайрем лачак нине кок тӱнян вашлиймышт семын шоналтын чумыралтеш. Уна-влак кугезына-влакын илыш-йӱлаштым тоштерысе экспонат семын веле огыл ончаш тӱналыт, а тукым гыч тукымыш куснен мийыше поро поянлык семын аклат. Мишкан селасе «Ворота Родины – Шочмо капка» пайремым Башкортостан Республикысе Культур министерствын, Калык-влак келшымаш пӧртын, , Финн-угор калык-влакын ассамблейыштынполшымышт дене«Эрвел марий» регионысо марий национально-культур автономий, Мишкан муниципал районын администрацийже, Мишкан районысо Тӱвыра пӧрт эртарат.