Марий Элыште Кугыжаныш Думыш депутат-влакым сайлымаш эртен.
Марий Элыште Кугыжаныш Думыш депутат-влакым сайлымаш эртен. Тиде кечылаште тазалык шотышто ойыртемалтше еҥ-влаклан, сайлымаш участкыш миен, шке граждан порысым шуктымылан тӱткышым ойырымо. Республикыште кажне инвалид сайлымаш праважым илышыш шыҥдарен кертше манын, чыла йӧн ышталтын: пандус, кумда проход, волонтёр-влакын полышышт да мӧҥгыштӧ йӱклаш йӧн. Йӱклышӧ-влак радамыште Соҥгыра-влакын Российысе обществыштын регионысо пӧлкажын соҥгыра инвалид-влак коклаште самырык-влак дене социальный паша шотышто специалист Екатерина Бойко лийын. Тудо ятыр ий соҥгыра-влаклан турслет ден мероприятий-влакым организоватла, отделений пелен самырык-влакын советыштым негызлен да грант конкурслаште ик гана веле огыл сеҥен. Инвалид-влакын всероссийский обществыштын Марий республиканский организацийжын председательже, «Единая страна - доступная среда» партийный проектын координаторжо Наталья Богомолова тыгак сайлымашке миен. Тудо инвалид- влак республикыше лийше тӱрлӧ мероприятийыш ушнышт манын, шуко тырша.