«Югорнын» сеҥымашыже
«Югорнын» сеҥымашыже Саратов олаште «Юл толкын» («Волжская волна») тӱнямбал книга ярмиҥга-фестиваль эртен. Тушто фестивальлан темыме эн сай книга-влакым палемденыт. Анатолий Спиридоновын возымо «Югорно» марий эпосын йоча-влаклан келыштарыме вариантше «Российысе калык-влакын икоян улмышт» лӱмын ыштыме номинацийыште IIIстепенян дипломым сулен налын. «Юл толкын» ярмиҥга-фестиваль Культур инициативе шотышто Президент фондын полшымыж дене «Читающая Россия. Книжные фестивали в российских регионах» проектым шуктымо кӱшеш эртаралтеш. 📸Фотом «Марий книга издательстве» савыктыш пӧртын воткыл лаштыкше гыч налме.
31 просмотров