Йошкар-Олаште Сайлымашым эскерыше мер рӱдер таче, 18 сентябрьыште, 8 шагатлан почылтын.
Йошкар-Олаште Сайлымашым эскерыше мер рӱдер таче, 18 сентябрьыште, 8 шагатлан почылтын. Тудо йӱк-влакым шотлен пытарымешке, сутка мучко пашам ышташ тӱҥалеш. Видеотрансляций-влак онлайн режим почеш йӱклымӧ 241 участке гыч толыт, моло вере видеофиксаций ышталтеш. Участковый сайлыме комиссий-влакын пашаштым Сайлымашым эскерыше рӱдерын еҥже-влак веле огыл, тыгак кажне еҥ эскерен кертеш. Мер эскерымаш рӱдер «Марий Эл» ий полатыште верланен.
47 просмотров