📰🍁Газетнан у номерыштыже лудаш темлена:
📰🍁Газетнан у номерыштыже лудаш темлена: ✅«Виян негыз – сеҥымашыш шуаш сравоч». Тыге ойла «Шочмо йылмым да литературым эн сайын туныктышо» V всероссийский профессионал мастарлык конкурсын лауреатше Диана Фёдорова. Тудо Российын шочмо йылмым эн сайын туныктышо 15 педагог-влак радамыш пурталтын. Уста педагогым Марий Элым вуйлатыше Юрий Зайцев саламлен да пашажлан, профессийлан ӱшанле улмыжлан тауштен. Диана Викторовна дене вашмутланымашым "Шочмо йылме" лаштыкыште лудаш темлена. ✅Кужэҥер округысо Шинур ял калык тошто йӱлам ок мондо, кугезе тукымын ойжым шукташ тырша. Преданий почеш, пасум имне дене куралме годым пӧръеҥ-влак шийым тич темыман шун кӧршӧкыш миен тӱкненыт. Тыште илыше-влак варажымат тиде пасушто чӱчкыдынак ший ден шӧртньӧ оксам муыныт. Ший нур дене кылден, яллан Шинур лӱмым пуэныт. Кумданрак "Ял илыш" лаштыкыште палдарыме. ✅10 гыч 12 сентябрь марте Йошкар-Олаште Юл кундемысе йоча сымыктыш школ-влакын конференций-форумышт эртен. Мероприятий гыч репортаж - "Сымыктыш" лаштыкыште. ✅Тений шошым «Марий Эл» газет редакцийышкына лопка туп-вачан, кугурак капан пӧръеҥ толын. Тиде Йошкар-Олаште илыше, Морко кундемын уныкаже Александр Соловьёв. Тудо специальный военный операцийыште кредалмыж нерген каласкалыш. Умбакыже "Патырлык" лаштыкыште лудса. ✅Кодшо рушарнян рӱдола воктенысе Тумер отышто республикысе Рӱдӧ Марий юмыйӱла ушемын Йошкар-Оласе «Марий кумалтыш» общиныже Мер кумалтышым эртарен. Кумалтыш нерген материалым "Тамга" лаштыкыште лудса. ✅Республикысе сӱрет сымыктыш тоштерыште сӱретче Иван Михайлинын шочмыжлан 100 ий теммылан пӧлеклалтше ончер почылтын. Тушто тудын 300 утла пашажым чумырымо. Сӱретлаштыже марий эпос дене кылдалтше сюжетым, руш ден марий калык-влакын патырыштым ужаш лиеш. Икмыняр пашажым "Ончер" лаштыкыште ужын кертыда.