👍 Йошкар-Олаште Сайлымашым эскерыше мер рӱдер шке пашажым тӱҥалын.
👍 Йошкар-Олаште Сайлымашым эскерыше мер рӱдер шке пашажым тӱҥалын. Тудо сайлыме участкылаште мо ышталтмым онлайн режим почеш эскераш йӧным ышта. ⏳ Рӱдерын пашаже 18 сентябрьыште кандаш шагатлан участковый сайлыме комиссий-влакым почмо дене тӱҥалеш да йӱк-влакым шотлен пытарыме марте шуйна. Тудо кум кечынат сутка мучко пашам ышта. Сайлымаш комиссий член Мария Микка рӱдерыш эскерыше-шамыч, партий-влакын членышт гына огыл, тыглай еҥат толын кертыт манын палемден. Эскерыше мер штабын вуйлатышыже Евгений Кузнецов штаб ямдылалтме режим гыч паша режимыш куснен манын ойлен. 💬 «Штаб 1 200 утла эскерышым ямдылен. Нуно участкылаште пашам ышташ тӱҥалыт, а тыште, рӱдерыште, ме кечыгут, кажне участковый комиссийын йӱкым шотлен пытарымышт марте, эскераш тӱҥалына», – палемден Евгений Кузнецов. Рӱдер «Марий Эл» ий полатыште пашам ышта. Анастасия Васькинан фотожо.