Эрла, 18 сентябрьыште, Кугыжаныш Думыш депутат-влакым сайлыме кум кечаш йӱклымаш тӱҥале...
Эрла, 18 сентябрьыште, Кугыжаныш Думыш депутат-влакым сайлыме кум кечаш йӱклымаш тӱҥалеш. Тушко ушнаш кӱлмӧ нерген специальный военный операцийын ветеранже, Марий Эл Республикысе СВО-н ветеранже-влак ассоциацийым вуйлатыше Роман Возняк ойлен. "Шочмо элын ончыкылыкшо мемнан дене кылдалтеш, ме ӧрдыжтӧ шогышаш огынал. Тиде тыныс илыш денат кылдалтеш. Тушто ме шке порыснам саргуралым кучен шуктена. А сайлымаште ме шкенан ончыкылыкнам ойырена. Сайлымаш -тиде формальность огыл. Тудын дене республикна ден элнан кузе вияҥаш тӱҥалмышт кылдалтеш. Ласка илышын акшым ужмеке, чылажымат вес семын ончаш тӱҥалат: илышым, пашам, йочам ончен кушташ йӧным пуымым. Тидын годым йӱклымӧ годым чыла тиде йӧным ышташ пуышо еҥ-влакым ойыраш тыршыман. Сандене мый сайлымашке мием. Еҥ-влакымат шке йӱкым пуаш ӱжам, ӧрдыжеш кодаш огеш кӱл", - палемден Роман Возняк.