Таче, 17 сентябрьыште, "Единый Россий" партийын мер полыш штабыштыже шушаш сайлымашым т...
Таче, 17 сентябрьыште, "Единый Россий" партийын мер полыш штабыштыже шушаш сайлымашым тергыше партийный ситуационный рӱдер почылтын. Тудо кум кечат, 18-20 сентябрьыште, пашам ышташ тӱҥалеш. Рӱдер республикысе сайлыме участкылаште пашам ыштыше эскерыше-влак деч уверым погымо да обрабатыватлыме тӱҥ площадке лиеш. 📲Лекше йодышым 63-00-39 "шокшо линийышке" йыҥгыртен рашемдаш лиеш. Тудын задачышкыже участке-влак гыч уверым писын погымаш да обрабатыватлымаш, эскерыше-влакын увертарымыштлан вашештымаш пура. Тыгак тушто йӱклымашын чыла этапше закон дене келшышын эртыже манын тыршат. Рӱдерыште мер эскерыше, юрист ден координатор-влак пашам ыштат. "Ме республикыште илыше кажне еҥын йӱкшӧ шотыш налалтше, сайлымаш закон дене келшышын эртыже манын тыршаш тӱҥалына. Ситуационный рӱдерыште пашам ыштыше-влак кидыштым вӱршерыште кучат, участкыла гыч пурышо кажне сигналым писын рашемдаш да тергаш тӱҥалыт», - каласен "Единый Россий" партийын региональный исполнительный комитетшым вуйлатыше Матвей Галяутдинов.