Нине кечылаште Уфаште «Вернуть детство» окружной фестиваль эртаралтеш. Тушко Марий Эл г...
Нине кечылаште Уфаште «Вернуть детство» окружной фестиваль эртаралтеш. Тушко Марий Эл гычат делегаций каен. Россий президентын Юл кундем федеральный округышто полномочный предстваительже Игорь Комаровын да Башкортостан Республикын правительствыжын полшымышт дене эртарыме проект тулык да ача-аван полышышт деч посна кодшо икшыве-влаклан шкан ӱшаныме кумылым шочыкта,у сомыллан кумылаҥда. Тений фестивальыш Юл кундем федеральный округысо чыла регион гыч 300 утла икшыве чумырген. Мемнан республик гыч мийыше участник-влак моло дене пырля «Звезды детства» йоча усталык конкурсыш ушнат да мурымо, куштымо, сылнымутым лудмо мастарлыкыштым ончыктат. Тыгак «МастерОК» кидпаша конкурсышто моштымашышт дене палдарен таҥасат. Фестивальым почмаште погынышо-влакым Игорь Комаровын лӱмжӧ дене алмаштышыже Олег Машковцев саламлен.