14 сентябрьыште дистанционный электрон йӱклымашке (ДЭГ) да вер шот дене йӱклымашке («Мо...
14 сентябрьыште дистанционный электрон йӱклымашке (ДЭГ) да вер шот дене йӱклымашке («Мобильный избиратель») ушнаш йодмашым пуымаш мучашлалтын. 🔹ДЭГ полшымо дене йӱклымашке йодмашым Марий Элыште илыше 81090 еҥ пуэн. Ты йӧн жапым аныкла. Нигушкат кайыман огыл, чылажымат телефон гоч ласкан ышташ лиеш. ДЭГ йӱклымаш кечын пашам ыштыше, тора кундемыште улшо але тазалыклан кӧра сайлымаш участкыш миен шудымо-влаклан йӱклаш йӧным пуа. ✅18-20 сентябрьыште ДЭГ полшымо дене vybory.gov.ru федеральный платформышто шке йӱкым пуаш лиеш. 🔹Вер шот дене йӱклымашке йодмашым 3925 еҥ пуэн. Тиде сервис йӱклымӧ кечылаште мӧҥгӧ деч тораште лийше-влаклан сай йӧным пуа. Тудын полшымо дене шке сайлыме участкым вашталташ да, пропискым ончыде, кеч-могай йӧнан верыште йӱклаш лиеш.