«Марий книга издательстве» савыктыш пӧрт у поэзий ойпогым ямдылен луктын. Тудо марла да...
«Марий книга издательстве» савыктыш пӧрт у поэзий ойпогым ямдылен луктын. Тудо марла да рушла «Элым аралаш – мемнан пӱрымаш. Дело нашей жизни – защищать Отчизну!» маналтеш. Тиде – тӱшкан ямдылыме паша. Але гына лудшо деке мийыше у ойпогыш марла да рушла тӱҥ шотышто СВО темылан, тудын геройжо-влаклан пӧлеклыме произведений-влак пуреныт. Тыште почеламут ден муро-влакым, поэмым профессионал поэт-влак, тыгак тӱҥалше автор-влакат темлат. Мутлан, ойпогышто марий автор-влак кокла гыч Геннадий Оярын «Акнаш» поэмыже, Анатолий Тимиркаевын, Светлана Григорьева-Сотон, Зоя Дудинан, Александр Петровын, Лидия Иксанован, Эрик Петровын да молынат почеламутышт, руш автор-влак гыч Андрей Шурыгинын, Екатерина Уланован, Константин Шемякинын да молынат, тыгак але марте палыдыме икмыняр у авторын произведенийышт тачысе жапын пӱсӧ темыжлан чон вургыжын вашештат, СВО-што сеҥымашым лишемдаш шке надырыштым пыштат. 📸Фотом Марий книга издательствын соцкыл лаштыкше гыч налме.