📰🍁Газетнан у номерыштыже лудаш темлена:
📰🍁Газетнан у номерыштыже лудаш темлена: ✅Тений элыштына школ парт коклашке 18 миллион наре тунемше шинчын, тышеч 83 тӱжем утлаже – Марий Элыште илыше ӱдыр-рвезе-влак, нунын кокла гыч 6 тӱжем наре икшыве илышыштышт икымше гана школ лондемым вонченыт. Йошкар-Олаште шинчымаш тӱняш ӱжшӧ йыҥгыр 1 сентябрьыште 34 200 ӱдыр-рвезылан йоҥгалтын. Умбакыже " Тунемме пагыт – илышын вӱршерже" материалыште лудса. ✅Марий Турек районышто шочын-кушшо кидмастар Наталья Чакичева тӱрлӧ сӧрастарышым ышта. Кидпашалан интернетыште туныктымо курс-влакым эртымеке, шӱмаҥын. Тудо, шер гычат, эпоксид киш гычат тӱрлӧ сӧрастарышым ямдыла. Кызыт эше ик кидмастар дене пырля ушнен пашам ыштат. Кумданрак "Оҥай еҥ дене вашлиймаш" лаштыкыште лудса. ✅Морко районысо калыкым социально обслуживатлыше комплексный рӱдерын Изи Шӱргысӧ шуко профилян стационарный отделенийыштыже улшо-влак илыме йӧн келшышылан тауштат. Коло кок веран шоҥгыеҥ-влаклан пӧртыштышт кудло ийым эртыше, шкет кодшо еҥ-влак илат. Южыжын йочажат, уныкажат улыт. Шукынжо ты район гыч, тыгак пошкудо Советский район гыч толыныт. Пӧртын пашаж нерген "Ял илыш" лаштыкыште палдарыме. ✅Марий Эл Кугыжаныш Погынын депутатше-влак туныктышо-шамыч дене пырля Йошкар-Оласе школлаш национальный компонентым пуртымо шотышто каҥашеныт. Радамын "Кӱлеш темылан" лаштыкыште возымо. ✅27 гыч 30 август марте Йошкар-Олаште «И КРАТКАЯ» III кинофестиваль эртен. Мероприятийыш Москва, Санкт-Петербург олала, Москва, Свердловск областьла, Пермь, Забайкалье кундемла, Якутий, Татарстан республикла гыч 21 кинематографист чумырген. Кинофестиваль кышкарыште икымше гана мобильный кинон кинолабораторийже пашам ыштен. Мероприятий гыч репортажым "Фестиваль" лаштыкыште лудса.