Марий Элыште тиде арнян игече йӱкшемда да йӱран лиеш.
Марий Элыште тиде арнян игече йӱкшемда да йӱран лиеш. Марий гидрометеорологий рӱдерын увертарымыж почеш кушкыжмын, 25 августышто, республикыш йӱштӧ арктике юж шеҥын пураш тӱҥалеш. Кечывалым южын температуржо +19...+21°С лиеш. Йӱдым термометр +11...+13°С ончыкта. Вӱргечын да изарнян, 26 да 27 августышто, южын температуржо +14 ... +17°С деч кугу ок лий. Тылеч посна кушкыжмо гыч изарня марте республикыште кажне кечын йӱр лийшаш. Ончылгоч палемдыме почеш, арня мучаште игече изиш саемеш, йӱр чарна, но юж юалгырак лиеш. Сутка еда кокла юж температур сентябрьын кумшо декадыжын нормыжлан келшен толеш. Тыге кугарнян да шуматкечын, 28 да 29 августышто, йӱдым южын температуржо +4...+7°С лиеш, кечывалым +12...+16°С. Температур эркын-эркын рушарня, 30 август, гыч веле кӱзаш тӱҥалеш, палемдат синоптик-влак.