🎬Ятыр еҥ мультфильмым але моло видеом шочмо йылме дене ончынеже.
🎬Ятыр еҥ мультфильмым але моло видеом шочмо йылме дене ончынеже. Видеом дублироватлыме годым авторын праважым шотыш налман. Мутлан, те иктаж мультфильмым шочмо йылмышке кусаренда, но шке лаштыкыш але вес вере вераҥдыме годым продюсер рӱдер дене лицензионный ойпидыш уке гын, видеохостинг-шамыч тудым кораҥдат. Но йӧн уло. «Этнотех» проектлан кӧра правообладательын официальный каналыштыже йӧратыме видеом ончаш лиеш. Видеом дублироватлымаш йӱкым клонироватлыме технологий почеш пӱртӱслӧ огыл уш-акыл (искусственный интеллект) полшымо дене шукталтеш. Тидлан Гугл Хром ден Мозила Фаерфокс браузер-влаклан плагиным вераҥдыман. Варажым настройкын лаштыкыштыже «Параметры расширений» манмым темдалман да «Марийский» ден «Сохранить язык» возымым ойырыман. Марий йылмыш кусарыме видеом «Видеотека» —> «Видео» —> «Язык перевода» —> «Марийский» вкладкыште кычалман. - Таче кечылан марлаш кусарыме видео але шуко огыл. Но кажне марий еҥын полышыжлан кӧра тудо шукемын кертеш, - воза шке лаштыкыштыже марий компьютер лингвист Андрей Чемышев. 📸Фотом Андрей Чемышевын воткыл лаштыкше гыч налме.