Каныш кече-лишыл еҥ-влак дене жапым оҥайын эртараш, яндар южышто каналташ пеш сай йӧн.
Каныш кече-лишыл еҥ-влак дене жапым оҥайын эртараш, яндар южышто каналташ пеш сай йӧн. Лач тыгай йӧным республикыште илыше да уна-влаклан Марий Элым вуйлатыше Юрий Зайцевын «Марий кеҥеж» проектше пуа. Йошкар-Оласе тӱвыра да каныме рӱдӧ паркыште черетан куштымаш урок лийын. Куштышо мужыр-влак вальсыште пӧрдыныт, тангом да самбам куштеныт. Паркетыш икымше гана лекше-шамычат кушташ писын тунемыныт. Мероприятийын унаже-влак радамыште «Йошкар-Ола» ола округысо депутат-влак Погынын депутатше Максим Сильдуганов лийын. Вашлиймаш жапыште тудо калык дене мутланен, оласе яра жапым организоватлыме йодышым каҥашен да проектын мероприятийже-влакым кузе илышыш шыҥдарымым аклен. «Марий кеҥеж» фестиваль умбакыже шуйна! Кажне кугарнян оласе паркыште куштымаш кас-влак эртат. Ушныза да каныш кечым чолган да оҥайын эртарыза.