📰🌺🍀Газетнан у номерыштыже лудаш темлена:
📰🌺🍀Газетнан у номерыштыже лудаш темлена: ✅Тенийысе мӱкш ончымо тургым кузерак эрта, тиде ий мо дене ойыртемалтын? Тыгай да моло йодышлан мӱкшызӧ-влак "Ял илыш" лаштыкыште вашештеныт. ✅Кужэҥер округысо Кульшит ялыште турист комплекс негызеш «Молодежь ял верч» региональный агрослёт эртен. Тушко школласе выпускной класс-влакын тунемшышт, ветеринарий, механизаций, кушкылым ончен куштымо да переработко дене кылдалтше аграрный техникумласе студент, ялысе молодежьын Российысе ушемжын чолга еҥже-влак, чылаже шӱдӧ утла еҥ, погынен. Кумданрак "Ялозанлык" лаштыкыште лудса. ✅«Шке огына тарваныл гын, олмешна нигӧ нимом ок ыште», – маныт Волжский округысо Ӱлыл Азъялыште илыше-влак. Тысе калыкын шочмо кундемым чон пытен йӧратымыжым, тудын ойыртемынак мотор пӱртӱсшым нимучашдымын аклымыжым да, сылнын тӱзатен, ончыкылык тукымланат арален кодаш тыршымыжым молыланат пример шотеш кондаш лиеш. Калыкын икте-весе дене келшен илымыже, чыла тӱшка пашам пырля ыштымыже, пайремым иквереш эртарымыже, ойгым лош пайлымыж нерген "Социальный илыш" лаштыкыште возымо. ✅17 июльышто Морко район Унчо села кечыгут муро да сылне сем дене шергылтын. Ты кечын «Сӱан пайрем» регион-влак кокласе VIII фестиваль-конкурс да «Путь ремесла: от идеи к результату» форум эртеныт. Мероприятийла гыч репортажым "Марий йӱла" лаштыклаште лудаш темлена. ✅Кодшо каныш кечылаште Козьмодемьянскыште «Васюки-Фест» койдарчык да мыскара фестиваль эртен. Тудо шуко калыкым поген. Кум кечаш программыже моткоч поян лийын. Тений организатор-влак пайрем радамыш икмыняр вашталтышым пуртеныт. Таклан огыл фестивальыш Российысе телевиденийын «Первый» каналжын «Непутевые заметки» передачыжын съемочный тӱшкаже толын. Умбакыже "Тӱвыра илыш"лаштыкыште лудса.