Кужэҥер районышто Агрослетыш самырык-влак погыненыт.
Кужэҥер районышто Агрослетыш самырык-влак погыненыт. Мероприятий 17 июльышто Аганур ялыште эртен. Почмаште Кугыжаныш Погын Председательын алмаштышыже, СВО-н ветеранже, «Герои Марий Эл. Талешке-влак» программын участникше Александр Смирнов лийын. «Молодежь за село» агрослет тиде кугарнян шӱдӧ утла участникым чумырен. Нунын коклаште агрокласслаште тунемше, образовательный организаций-влакын еҥышт, практикант, ялысе школ-влакым тунем пытарыше да ялысе самырык-влак ушемын регионысо пӧлкажын еҥже-шамыч лийыныт. Слётын тӱҥ цельже - агроэкологий ушем-влаклан полшымаш, тыгак ялозанлык направлений дене шинчымашым налаш, аграрный профессий-влаклан кумылаҥдымаш. Уна ден участник-влак агробизнеслан, патриотический воспитанийлан да агротуризмлан пӧлеклалтше образовательный площадкылаште, нунылан «Спорт мланде» мини-спартакиадыште участвоватленыт. «Марий еш йӱла» конкурс лийын. Тыгак фестивальын участникше-влак «Кульшит» турист комплекс мучко экскурсийыш ушненыт, марий рэпер Шып Лийын концертшым онченыт. Мероприятий «Единый Россий» партийын полшымыж дене эртен.