Марий Элын проектше-влак «Знание» обществын Ача-ава сообществыже-влакын инициативыштын ...
Марий Элын проектше-влак «Знание» обществын Ача-ава сообществыже-влакын инициативыштын конкурсыштышт сеҥыше-влак радамыш пуреныт. Марий Эл деч конкурсыш 93 йодмашым пуымо, 61 йодмашыжым эксперт комиссийыш аклаш пуртымо. Сеҥышыш 5 проект лектын, нуно чумыр налмаште «Духовно-нравственный воспитаний», «Патриот шӱлышан воспитаний», «Эстетический воспитаний», «Гражданский воспитаний», «Физический воспитаний», «Социализация подростков группы риска» направленийла дене инициативым илышыш пурташ 5 миллион утла теҥгем налыт. Окса премийым кундемнан 5 общеобразовательный учрежденийже налеш. Йошкар-Оласе 28-ше № -ан Лицей «Интеллектуально-музыкальный марафон поколений» проект дене конкурсышто сеҥен, Йошкар- Оласе 24-ше №-ан кыдалаш общеобразовательный школ - «Школа театра и кино» проект дене, Красногорскысо 2-шо № - ан кыдалаш общеобразовательный школ - «Школьный семейный киноклуб #Киновместе» проект дене. Советский посёлкысо 3-шо № - ан кыдалаш общеобразовательный школ «Спорт дене пырля» проект дене лидер радамыш пурен, а Волжск оласе 10-шо № - ан кыдалаш школ «Живая история: создаем школьный музей вместе»проектым илышыш шыҥдара.