Тӱзатыме объект-влакым ойырен налшаш верч всероссийский онлайн-йӱклымашым иктешлыме.
Тӱзатыме объект-влакым ойырен налшаш верч всероссийский онлайн-йӱклымашым иктешлыме. Тудо 21 апрель гыч 12 июнь марте эртен. Марий Элыште 2027 ийыште вашталташ палемдыме кундем-влак пале лийыныт. Республикысе олалаште могай проект-влаклан эн шукын йӱкленыт? ✅ Йошкар-Олаште эн шуко йӱкым В.П. Никонов лӱмеш площадьым тӱзатыме проект поген. Тудын верч 11849 еҥ йӱклен. ✅ Волжскышто Вавилов уремысе йоча поликлинике воктене парковкым да тротуарым тӱзатыме проект ончыко лектын, тудо 1995 йӱкым поген. ✅ Козьмодемьянскыште йоча усталык пӧрт воктене йолын коштмо зоно (Ӱй Завод квартал, 2) эн шуко йӱкым поген. Тудын верч 1418 йӱкым пуымо. ✅ Звенигово олаште калык Охотин уремысе 8-ше № - ан пӧрт воктене йолын коштмо тошкалтышым тӱзатымылан шукырак йӱкым (535 еҥ) пуэн. 🖇️Ушештарена, йӱклымаш «Оласе кумдыкым йӧнаным ыштымаш» проект почеш эртен. Ӱмашсе гыч тудо «Илышлан кӱлешан инфраструктур» нацпроектыш пура. Тудым РФ Президент Владимир Путинын кӱштымашыж почеш ыштыме