Российыште тӱзатыме объект-влак верч кудымшо всероссийский онлайн-йӱклымаш мучашлалтын.
Российыште тӱзатыме объект-влак верч кудымшо всероссийский онлайн-йӱклымаш мучашлалтын. 21 апрель гыч 12 июнь марте тушко 15,8 миллион утла еҥ ушнен. Российын вице-премьерже Марат Хуснуллинын палемдымыж почеш, куд ий жапыште ФКГС проектын йӱклымашкыже 68 миллион утла еҥ ушнен. Тений йӱклымӧ географий 88 субъектым авалтен, йӱклымашке 6,8 тӱжем наре объектым лукмо. 2026 ийыште йӱклымаште эҥертыш илем-влак, 20 тӱжем деч шагалрак илыше еҥан ял ден посёлко-влак, участвоватлаш тӱҥалыныт. 2026 ийыште 194 тӱжем наре волонтёр йӱклаш полшен, тидыже ӱмашсе дене таҥастарымаште 24 тӱжемлан шукырак. Йӱклымашке эн чолган ушнышо кундем-влак: Свердловск область. Башкортостан Республик. Москва область. Йӱклымашын лектышыж почеш ойырен налме мер кумдык-влак тӱзатыме шотышто эн сай практике-влакын федерал реестрышкышт пурталтыт. Тидыже элна мучко сай опыт дене палдараш йӧным ышта. - Тиде пашам умбакыже шуйыман. Эшеже оласе илышлан йӧнан средам ыштымашке виктаралтше тыгай мероприятий -влак кундемлам комплексно вияҥдыме шотышто тӱзатыме кугурак проект-влакым илышыш шыҥдараш сай негыз лийын кертыт», - каласен Михаил Мишустин.