Таче, 18 июньышто, Йошкар-Олаште Марий Эл Кугыжаныш Погынын 16-шо сессийже эртен.
Таче, 18 июньышто, Йошкар-Олаште Марий Эл Кугыжаныш Погынын 16-шо сессийже эртен. Тудым Марий Эл Республикым вуйлатыше Юрий Зайцевын темлымыж почеш погымо. Заседанийыште кум йодышым ончымо. Сессийыште депутат-влак республикысе кум законым луктыныт. Нуно чыланат регионысо законодательствым шукерте огыл федеральный кӱкшытыштӧ вашталтыш дене келыштараш виктаралтыныт. Ончышаш паша радамыште «Марий Эл Республикыште верысе самоуправлений органлашке сайлымаш нерген «Марий Эл Республикын Законышкыжо вашталтышым пуртымо нерген» законын проектше тӱҥ лийын. Кугыжаныш Погынын лукмо кокымшо законжо кугыжаныш собственностьын погыжым виктарыме дене кылдалтын. Кумшо закон республикысе нормым федеральный дене синхронизироватла, тудын почеш Россий субъектлаште судья-влакын квалификационный коллегийыштын полномочий жапышт нылыт гыч куд ий марте кугемеш. Чыла лукмо закон почеш республикын парламентше Кугыжаныш Погынын келшен толшо пунчалже-влакым луктын.