👯♀Йошкар-Олаште «Бодрая Йошка» оласе фестиваль кеҥеж мучко кажне арнян каныш кечылашт...
👯♀Йошкар-Олаште «Бодрая Йошка» оласе фестиваль кеҥеж мучко кажне арнян каныш кечылаште эрташ тӱҥалеш. Ты мероприятий ынде икмыняр ий почела шке йырже таза илыш-йӱлам кучышо-влакым чумыра. Капкылым тарватылаш йӧратыше-шамыч рӱдоласе тӱвыра да каныме рӱдӧ паркыште погынат. Нунылан занятийым фитнес-тренер да йогам туныктышо Анастасия Колпащикова эртара. Икымше тренировко-влак 20 ден 21 июньышто паркын кеҥежымсе эстрадыштыже лийыт. 10 шагатлан кугурак тукымлан «Тазалык» теме дене занятий, а 11 шагатлан самырык-шамыч «Фитнес» занятийыш погынат. Пелен коврикым, вӱд дене бутылкам налман. тыгодым келшыше вергем да вуйчиемым чийыза. ✅ Ушештарена, йӱран игечыште занятий огеш эртаралт. 📸Фотом Йошкар-Ола администрацийын воткыл лаштыкше гыч налме.