23 октябрьыште Марий Элыште «Финн-угор транзит» тӱнямбал сымыктыш да калык усталык фест...
23 октябрьыште Марий Элыште «Финн-угор транзит» тӱнямбал сымыктыш да калык усталык фестивальын X лӱмгече тургымжо почылтеш. Йошкар-Олаш Белоруссий,, Луганск Калык Республик, Удмуртий, Коми республикла, Пермь кундем гыч калык усталык пӧрт-влакын коллективышт, солистышт, экспертышт да вуйлатышышт толыт, увертареныт Марий Элын Тӱвыра, печать да калык-влакын пашашт шотышто министерствыштыже. "Йыргешке ӱстелыште" да вашлиймашлаште участник-шамыч фестивальым, творческий проект-влакым кызытсе жаплан келыштарыме, калык тӱвырам да духовно-нравственный поянлыкым арален кодымо нерген ойлаш тӱҥалыт. Ончер проект-влакын презентацийышт лийыт, элнан тӱвыра поянлыкше нерген фильм-влакым ончыктат. Фестиваль Э.Сапаев лӱмеш опер да балет марий академический театрыште гала-концерт дене мучашлалтеш.