📰🍂Газетнан у номерыштыже лудаш темлена:
📰🍂Газетнан у номерыштыже лудаш темлена: ✅Кужэҥер округысо Халтурино ялыште олма сокым ямдылыше цех почылтын. Андрей Пайдыганов предприниматель пашам шукта, икшывыже-влакымат тиде сомыллан изинекак шӱмаҥден. Тыге кодшо ийын «Немда Истоки» ялозанлык снабженческо-сбытовой перерабатыватлыше потребительский кооперативым почыныт, да председательжылан Андрей Петровичын Дарья ӱдыржӧ ышташ тӱҥалын. Кумданрак "Ялозанлык" лаштыкыште лудса. ✅Талантан айдеме чыла шотыштат талантан манын арам огыл ойлат. Тиде самырык да уста туныктышо дене вашлийме годым ушышто лач ты ой пӧрдӧ. Вес семынже лийынат ок керт, вет ӱдыр почеламутым воза, семӱзгарым шокта, урга, тӱрла, пидеш, сӱретла, автомашинам виктара, вузышто тунемеш, туныкта, классым вуйлата… чылажым ойленат от пытаре! Мутна Оршанке районысо Кугунур школ директорын воспитаний паша шотышто советникше, технологийым туныктышо Елена Козлова нерген. Тудын дене вашмутланымаш - "Воктенет - самырык еҥ " лаштыкыште. ✅14 октябрьыште Яков Эшпай лӱмеш Марий кугыжаныш филармонийыште Эрик Сапаев лӱмеш опер да балет академический театрын тӱҥ дирижёржо, композитор Григорий Архиповын «Музыка в партитуре жизни» усталык касше эртен. Тудын чоным почын каласкалымыж гыч оҥайрак ужашым "Искусство" лаштыкыште лудаш темлена. ✅«Висвис пеледышла коднем мый шарнашда». Тыге сылнын йоҥгалтше вашлиймаш 17 октябрьыште Советский посёлкысо Крупняков лӱмеш рӱдӧ книгагудышто эртаралте. Тудо Кужэҥер район Осыпъялыште шочын-кушшо, а кызыт ешыж дене Ургаш посёлкышто илыше Антонида Щербакован усталык пашажлан пӧлеклалтын ыле. Умбакыже - "Вашлиймаш" лаштыкыште. ✅Эртыше арнян Звенигово районысо Красногорский библиотекыште пеш оҥай мероприятий эртыш: верысе «Мушмарий сескем» краевед клубын еҥже-шамыч Волжский районысо Ярамарий тӱвыра пӧртын «Чолпан» самодеятельный художественный коллективше дене вашлийыныт. Тушко мемнамат, «Марий Эл» газетын журналистше-шамычым, пагален ӱжыныт. Мероприятий гыч репортажым "Лудшо да газет" лаштыкыште лудса.