Ытыктабыллаах Таатта улууһун олохтоохторо!
Ытыктабыллаах Таатта улууһун олохтоохторо! Саха Өрөспүүбүлүкэтин судаарыстыбаннаһын күнүнэн эҕэрдэлиибин! 1990 сыл балаҕан ыйын 27 күнүгэр судаарыстыбаннай суверенитет туһунан Декларация ылыныллыыта биһиги өрөспүүбүлүкэбитигэр саҥа саҕахтары арыйбыта, социальнай-экономическэй, духуобунай, культурнай үүнүү-сайдыы бигэ тирэҕэ буолбута, олох бары эйгэтигэр ситиһиилэргэ сирдээбитэ, кыайыыларга кынаттаабыта. Саха омук чулуу уолаттарын төрөппүт-үөскэппит, литература биһигэ, духуобунас ураты киинэ – ытык Таатта урут уруккуттан бу күҥҥэ диэри өрүүтүн инники күөҥҥэ сылдьар, туруу, үтүө суобастаах үлэһиттэринэн, учуонайдарынан, талааннаах ыччатынан аар саарга аатырар уонна өрөспүүбүлүкэбит, дойдубут сырдык кэскиллээх, бигэ туруктаах буоларыгар сүдү кылаатын киллэрэр. Инникитин даҕаны оннук буола турдун! Баҕарабын эһиэхэ барыгытыгар самныбат күүстээх санааны, инникигэ эрэли, айымньылаах, үтүө түмүктэрдээх үлэни, үөрэҕи, чэгиэн туругу, этэҥҥэ буолууну! Ытыктабылы кытта, Саха Өрөспүүбүлүкэтин бар дьонун дьокутаата, "Саханефтегазсбыт" генеральнай дириэктэрэ Виктор Николаевич ЛЕБЕДЕВ. @taattagazeta @ulusmedia