СУДААРЫСТЫБАННАС КҮНЭ ТААТТАҔА
СУДААРЫСТЫБАННАС КҮНЭ ТААТТАҔА Балаҕан ыйын 27 күнэ - Саха Өрөспүүбүлүкэтин судаарыстыбаннаҺын күнэ. Бу бэлиэ күн 1990 сыллаахха судаарыстыбаннай суверенитет ылыллыбыта, мантан ыла өрөспүүбүлүкэ саҥа кирбиигэ үктэммитэ. Бүгүн үгэс быҺыытынан, саха советскай литературатын олохтооччу, улуу суруйааччы, поэт, драматург, лингвист уонна государственнай деятель Платон Алексеевич Ойуунускай төрөөбүт Муҥха Дэлбэрийбит алааҺыгар үөрүүлээх миитин ыытылынна. Саха Өрөспүүбүлүкэтин бырабыытылыстыбатын бэрэссэдээтэлин солбуйааччы Анатолий Семенов, Таатта улууҺун баҺылыга Айаал Бурцев, Ил Түмэн депутата Прокопий Рахлеев уонна "Октябрьскай нэҺилиэк" тыа сирин түөлбэтин баҺылыга Олег Ушницкай эҕэрдэ тыл эттилэр. Сүгүрүйүү бэлиэтин сибэкки дьөрбөтүн уурдулар. Анатолий Аскалонович Айаал Семеновичка Ил Дархан эҕэрдэ суругун, Иван Федотович Рахлеевка Арассыыйа Президенин УҺук Илин федеральнай уокуругар боломуочуйалаах бэрэстэбиитэлин солбуйааччы Григорий Куранов махтал суругун туттарда. Былатыан Ойуунускай олорон ааспыт балаҕанын көмүлүөгүн сылаас суоҺугар истиҥ кэпсэтиилэр буоллулар. Өрөспүүбүлүкэ судаарыстыбаннаһын турууласпыт чулуу дьоммут олохторо күргүөмнээхтик салҕанар, ааттара үйэлэргэ умнуллубат. #татыйык @taattagazeta @ulusmedia