Э. К Пекарскай аатынан Игидэй орто оскуолата бүтүн дойдутааҕы "Знание" төрөппүт түмсүүт...
Э. К Пекарскай аатынан Игидэй орто оскуолата бүтүн дойдутааҕы "Знание" төрөппүт түмсүүтүн грантовай күрэҕэр кыайан 2026-2027 үөрэх дьылыгар үлэҕэ, үөрэххэ саҥа сүүрээни киллэрдэ. Үлэ сүрүн сыала - оҕолорго, төрөппүттэргэ уйулҕа өттүнэн көмө, тирэх буолуута. Бары өттүнэн хааччыллыылаах анал хос тэриллэн “Уйулҕа” хоһо диэн ааттанна. Үлэ былаанын чэрчитинэн, балаҕан ыйын 25 күнүгэр, төрөппүт уонна оҕо кыттыылаах дьиэ кэргэн үөрэҕэ буолла. Тэрээһини грант салайааччыта социальнай педагог Бойтунова Альбина Васильевна, педагог-психолог Захарова Анастасия Константиновна, эдэр коллегабыт логопед-педагог Лопатина Эльза Александровна олус интэриэһинэйдик, солуннук иилээн-саҕалаан ыыттылар. Манна оҕо уонна төрөппүт бэйэ-бэйэни билиигэ, сыһыаҥҥа, дьиэ кэргэн сүрүн сыаннастарын билсиһиигэ үөрэх, оонньуу ыытылыннылар. Бары олус көхтөөхтүк кэлэн кыттан элбэҕи билэн, үөрэн-көтөн тарҕастылар. Бу курдук, дойдубут оҕо сайдыытын өйүүр программаларыттан биирдэстэрэ - "Знание" төрөппүт түмсүүтүн грантовай күрэҕэ оскуолабытыгар саҥа сүүрээни киллэрбитигэр махтанабыт. #ЗнаниеРодители https://max.ru/znanie_roditeli