КӨМҮС КҮҺҮҤҤЭ ӨЙМӨКӨӨҤҤӨ АЙАН
КӨМҮС КҮҺҮҤҤЭ ӨЙМӨКӨӨҤҤӨ АЙАН Бэрт элбэх тэрээһиннэрдээх 2026 сыл бүтэһик кэрчигэр үктэннибит. Хаарыан хампа күөх оппут-маспыт Н.Тулааһынап ырыатыгар этэрин курдук маҥнайгы хаһыҥнары кытта кубарыйа хаттылар, ырыаһыт чыычаахтарбыт сылаас дойдуларыгар төнүннүлэр. Ол тэҥэ кыыдааннаах кыһыны этэҥҥэ туоруур туһугар күүрээннээх үлэлэр саҕаланнылар. Арай биһиги эрэ, «Эрчим -72» тутар этэрээт бэтэрээн байыастара, күүлэйи көҕүлүттэн тутан, тус хоту айанныыр буоллубут. Сорукпут диэн кэхтэн эрэр айылҕабыт бүтэһик дьүһүнүн бодотун хаартыскаҕа түһэрэн үйэтитии, мэлдьи бииргэ сылдьар саамай эдэр кыыспыт 75 сааһын бэлиэтээһин, айылҕабыт бэрсэр отонуттан, балыгыттан тииһинэн хаалыы. Бэйэбит кэммитигэр үлэлээн-хамсаан сирдэрбэтэх, тус олохпутун оҥостубут дьон быһыытынан, кимтэн да тутулуга суох маннык кэлиини-барыыны чэпчэкитик ылынабыт... уонна хаһан... дэһэбит. Дьокуускай – Ытык Күөл – Хаандыга – Өймөкөөн (Черный прижим) маршрутунан айаммытын саҕалаатыбыт. Аараттан доҕотторбутун ылан, көрсөн баран аллар уулаах Аллан эбэни паромунан туораатыбыт. Хаһан эрэ ааспыт үйэ ортотун диэки хапытаан Бухатыырап үлэлээбит «Пятилеткатыгар» майгынныыр, икки өртүнэн салбахтардаах көлүөһэлэринэн эрдинэр тэрилинэн олус уһуннук устан күллүргэтэн уҥуоргу кытылы буллубут. Сиһилии: https://xn--80aaa3eca.xn--p1ai/k%d3%a9m%d2%afs-k%d2%af%d2%bb%d2%af%d2%a5%d2%a5e-%d3%a9jm%d3%a9k%d3%a9%d3%a9%d2%a5%d2%a5%d3%a9-ajan/ @taattagazeta