"АРЧЫЛААНА" - КИИН БАЛЫЫҺА АНСААМБЫЛА
"АРЧЫЛААНА" - КИИН БАЛЫЫҺА АНСААМБЫЛА 🌀Соторутааҕыта "Дьиэрэй, ырыам" Виталий Андросов ырыаларын толорууга эмчиттэр республикатааҕы күрэстэригэр кыттан, 1 степеннээх лауреат аатын сүкпүт "Арчылаана" ансаамбыл өссө 2015-16 сс. тэриллибит. Манна эмтиир эйгэ араас хайысхатыгар үлэлиир ырыа куттаах кыргыттар сылдьаллар. Күннэтэ үгүөрү түбүктээх, өрүү ыалдьар дьоннуун алтыһар, кинилэри өрүһүйэр, быыһыыр аналлаахтар ыллаан, сыанаҕа тахсан, аралдьыйаллар, санааларын сайҕыыллар, куттуун-сүрдүүн чэпчииллэр. "Арчылаана" ансаамбыл салайааччыта - невропатолог быраас М. В. Варламова. Ырыаларын чочуйууга, куоласка араарыыга култуура үлэһиттэрэ Зинаида Никифорова, Анатолий Варламов өрүү көмөлөһөллөр, сүбэ-ама биэрэллэр. Онон кинилэргэ махталлара улахан. Ансаамбыл кыргыттара бу бастакы улахан ситиһиилэринэн кынаттанан, өссө айар-тутар, саӈа ырыалары көтүтэр санаалаахтар. @taattagazeta @ulusmedia