"Түөлбэ - Таатта улууһун сайдар суола" - дойду Президенин фондатын граана
"Түөлбэ - Таатта улууһун сайдар суола" - дойду Президенин фондатын граана "Таатта улууһун социальнай урбаанньыттары, кэммиэрчискэйэ суох тэрилтэлэри өйүүр ресурснай киин" салайааччыта, улуустааҕы тыа сирин көҕүлүүр дириэксийэ сүрүн специалиһа Сардаана Ивановна Григорьева "Түөлбэ - Таатта улууһун сайдар суола" - дойду Президенин фондатын граанынан 1 949 199 солк. ылбыта. Түөлбэлэр үлэлэрэ Арассыыйа үрдүнэн бараллар. Дойду киинигэр Москва куоракка уонна регионнарга туох үлэ барарын, үлэни тэрийиигэ технологиялары "Добрые соседи" Арассыыйатааҕы проект салайааччыта, "Норуоттар икки ардыларынааҕы ыаллыылар" күннэрин Арассыыйатааҕы координатора, педагогическай наука кандидата, "Экономика үрдүкү оскуолата" НИУ научнай сотруднига, ТОС (түөлбэ) университетын дириэктэри солбуйааччыта Сергей Александрович Кузнецов (Москва к.) уонна "Мультифрукт" креативнай агенствотын салайааччыта, "Добрые соседи" Арассыыйатааҕы проект, ТОС (түөлбэ) университетын, "Экономика үрдүкү оскуолата" НИУ эксперда Елена Сергеевна Веселовская (Москва к.) Ытык Күөлгэ семинар практикум тэрийбиппит. Улахан куораттарга уопсай дьиэлэринэн (двор) түмсэннэр түөлбэ (ТОС) тэринэннэр көхтөөхтүк үлэлииллэрин сырдаппыттара. Үлэни тэрийии технологиятын арыйбыттара. Биһиэхэ Таатта улууһугар 90-с, 2000 сылларга түөлбэнэн үлэ - сүрүн хамсатар күүс этэ. Билигин арыый тэтимэ бытаарда. Түөлбэнэн үлэни күүһүрдүү - проект сүрүн соруга буолар. Былаан быһыытынан нэһилиэктэринэн үөрэтии буола турар. Баайаҕа, Чөркөөх, Туора Күөл, Уус Таатта, Уолба, Дьохсоҕон сэлиэнньэлэригэр көрсүһүүлэргэ "Түөлбэ - Таатта улууһун сайдар суола" - дойду Президенин фондатын граанын уонна уопсай үлэни ырыттылар. Көрсүһүүлэр түмүктэригэр саҥа бырайыактар үөскээтилэр. Нэһилиэктэринэн сааскы сырыы кэнниттэн кэммиэрчискэйэ суох тэрилтэлэр арылыннылар. Саҥа бырайыактар грааннарга сайаапкаланнылар. Улуустааҕы тыа сирин көҕүлүүр дириэксийэ үлэтин сүрүн соруга - грааннар, конкурстар нөҥүө таһыттан үбү киллэрии, туризмы сайыннарыы буолар. Бу сыалы-соругу олоххо киллэрэр инниттэн, коллектив нэһилиэктэри, тэрилтэлэри кэрийэн үөрэтэр, баар, үөскүөхтээх бырайыактары ырытар. Улуус дьаһалтатын үһүс этээһигэр хос бэрилиннэ. Үлэлииргэ, айарга-тутарга өссө үчүгэй балаһыанньа үөскээтэ. Күндү улууспут көхтөөх олохтоохторун бүгүҥҥү үп-харчы кырыымчык кэмигэр грааннар, конкурстар нөҥүө сайдыы саҕахтарыгар тэҥҥэ хардыылыыргытыгар ыҥырабыт. Таатта улууһун дьаһалтата @taattagazeta