ЫРААХ АЙАН СУОППАРЫН КЫТТА КӨРҮСТҮБҮТ
ЫРААХ АЙАН СУОППАРЫН КЫТТА КӨРҮСТҮБҮТ Оскуола сааспытыттан туох идэлээх дьон буолан тахсарбытыгар сылын аайы идэҕэ туһаайыылаах кылаас чаастара, керсүһүүлэр буолаллар. Алтынньы 17 күнүгэр Н.Д. Неустроев аатынан Уус-Таатта орто оскуолатын 8-с кылааһын уолаттарыгар ураты кылаас чааһа буолан ааста. Биһиги уопуттаах ыраах айан суоппара Николаев Александр Васильевич гараһыгар экскурсиялаатыбыт. Саха сиригэр ыраах айан суоппара буолуу — улахан эппиэтинэс уонна тулуур. Александр Васильевич бэйэтин үлэтин уратытын, тиэхиникэ хайдах көрүөххэ-харайыахха наадатын уонна өрөмүөн үлэтин сиһилии көрдөрдө, кэпсээтэ. Көрсүһүү түмүгүнэн, инникитин идэ таларбытыгар сүрүн сүбэлэри, олоххо туһалаах өйдөбүллэри иҥэриннибит уонна Александр Васильевичка махтанныбыт. Н.Д.Неустроев аатынан Уус-Таатта орто оскуолатын 8 кылааһын үөрэнээччилэрэ, Таатта улууһа. @taattagazeta @ulusmedia