💠 Алтынньы 30 күнүгэр А.Е.Мординов аатынан Тааттатааҕы лицей сырдык уораҕайыгар РСФСР ...
💠 Алтынньы 30 күнүгэр А.Е.Мординов аатынан Тааттатааҕы лицей сырдык уораҕайыгар РСФСР үтүөлээх учуутала, старшай учуутал, РСФСР үөрэҕириитин туйгуна, учууталлар учууталлара, өрөспүүбүлүкэ учууталларын IX, Саха сирин дьахталларын IX съезтэрин делегаттара, ССРС норуодунай депутата, Таатта улууҺун бочуоттаах олохтооҕо Анна Васильевна Белина төрөөбүтэ 85 сылыгар аналлаах сүгүрүйүү, кэриэстэбил тэрээҺинэ олус истиҥник ыытылынна. Бу күн Анна Васильевнаҕа анаммыт быыстапка турда. Үтүө киҺи туҺунан бииргэ алтыспыт коллегалара Ксения Анисимовна Хатылыкова, Анастасия Васильевна Винокурова, Александра Петровна Быллырытова, төрөппүт кыыҺа Лена Борисовна, эдьиийэ Мария Степановна Андросова, үөрэппит оҕолоро Анастасия Юрьевна Тарасенко, Анатолий Дмитриевич Бравин сылаас тыл сүмэтин анаан, ахтан санаан аастылар. Бу бэлиэ күн Анна Васильевна Белина сырдык кэриэҺигэр лиссиэй нуучча тылын уонна литературатын кылааҺыгар кини аатын иҥэрдилэр. Үтүө киҺи мөссүөнэ сүрэхтэн сүппэт, килбиэннээх үлэҺит аата сөҕүрүйбэт. #Татыйык @taattagazeta