БАСТАКЫ АЛЕКСЕЕВСКАЙ ААҔЫЫЛАР
БАСТАКЫ АЛЕКСЕЕВСКАЙ ААҔЫЫЛАР 🌀Платон Ойуунускай аатынан гос.бириэмийэ лауреата, ССРС култууратын туйгуна, РСФСР норуотун үөрэҕириитин туйгуна, СӨ култууратын үтүөлээх үлэһитэ, Таатта улууһун бочуоттаах олохтооҕо, СӨ норуотун маастара, архитектор, искусствовед Эрнст Алексеев төрөөбүтэ 80 сылынан олорбут, үлэлээбит, иккис дойду оӈостубут Дьүлэй нэһилиэгэр, 20 сыл учууталынан, дириэктэринэн үлэлээбит оскуолатыгар бастакы Алексеевскай ааҕыылар буоллулар. Манна Таатта оскуолаларыттан уонна Уус Алдан Тумулуттан 1-11 кылаас үөрэнээччилэрэ, учууталлара кыттыыны ыллылар. НПК хас да секциянан тэрилиннэ, оҕолор Эрнст Александрович айар үлэтин, олоҕун туһунан, архитектураҕа, этнографияҕа, түмэллэри үөрэтиигэ, норуот ойуулуур-дьүһүннүүр искусствотыгар, уус-уран оӈоһуктарыгар туһуламмыт дакылааттарын аахтылар. Итини сэргэ дьиэҕэ сорудах быһыытынан, араас тутуу макеттарын оӈорон аҕалан, көмүскээтилэр, талахтан быһаҕынан сылгы кыһан, быһан оӈордулар. @taattagazeta @ulusmedia