МААРЫЙА АЛГЫСТААХ ТҮҺҮЛГЭТЭ
МААРЫЙА АЛГЫСТААХ ТҮҺҮЛГЭТЭ 🌀Саха төрүт аһын сөргүтээччи, үйэтитээччи, тарҕатааччы, бастыӈ саламаатчыт, үрүмэни астааччы Мария Егоровна Бондарева 75 сааһынан "Сарыал" култуура киинигэр "Маарыйа алгыстаах түһүлгэтэ" диэн үтүө тэрээһин буолла. Саха амтаннаах аһын 16 сүгүрүйээччитэ бу дьоро күн үөрүүтүн үрдэтэн, күрэскэ кытыннылар. Дьиэлэригэр эгэлгэ эбиликтээх, араас амтаннаах үрүмэлэри астаан кэлбиттэр, итиэннэ манна, дьон хараҕын далыгар, саламаат астаатылар. "Сарыал" саалатын биир гына саха бастыӈ аһа тэлгэннэ, саламаат буһар сыта тунуйда, арыы тэбэр алгыстаах көстүүтэ дьон хараҕын үөртэ. Кэлбит ыалдьыттар саха мааны аһын амсайан, дьон астыыр сатабылын, үөрүйэҕин сөхтүлэр, асчыттар сүбэлэрин иһиттилэр. Мария Егоровна үгүс кыттааччыны кытта элбэхтэ алтыспыт, саламааты, үрүмэни астаан саҕалыылларыгар көмүс сүбэлэринэн көмөлөспүт, кистэлэҥнэрин үллэстибит Далбар Хотун. Дьоро киэһэлээх Мария Егоровна хас биирдии кыттааччыга, дьүүллүр сүбэҕэ бэлэхтэрин туттарда. @taattagazeta @ulusmedia