ДИРИҤ КУТУРҔАН
ДИРИҤ КУТУРҔАН Таатта улууһун дьаһалтатын, тус бэйэм ааппыттан Саха Өрөспүүбүлүкэтигэр киэҥник биллэр норуот эмчитэ, Таатта улууһун Бочуоттаах гражданина, тыа хаһаайыстыбатын бэтэрээнэ ЧАШКИН Михаил Фомич ыарахан ыарыыттан олохтон туораабытынан кэргэнигэр Альбина Саввичнаҕа, оҕолоругар, сиэннэригэр, хос сиэннэригэр, аймах-билэ дьонугар уонна чугастарыгар ис сүрэхпиттэн дириҥ кутурҕаммын тиэрдэбин. Михаил Фомич — айылҕаттан айдарыылаах, саха төрүт эмтээһинин үгэстэрин баһылаабыт, сүүһүнэн-тыһыынчанан ыалдьыбыт дьоҥҥо эм-том буолан олоххо эрэли, чэгиэн туругу, үөрүүнү бэлэхтээбит улуу норуот эмчитэ этэ. Кини сырдык дууһата, дьоҥҥо көмөлөһөргө бэлэм аһыныгас сыһыана, сэмэй майгыта улууспут эрэ буолбакка, бүтүн Сахабыт сирин олохтоохторун сүрэҕэр өрүү сырдык өйдөбүл буолан хаалыаҕа. Бу орто дойду олоҕор дьоҥҥо үтүөнү эрэ оҥорон, норуотугар сулууспалаан ааспыт үтүө-мааны киһибит сырдык мөссүөнэ биһиги өйбүтүгэр-санаатыгар үйэлэргэ өлбөөдүйбэккэ тыыннаах хаалыа. Олус ыарахан, курус түгэҥҥэ Альбина Саввичнаҕа уонна чугас дьонугар, аймахтарыгар кытаанах тулууру, сүрэххит бааһа арыый да уоскуйарын баҕарабын. Таатта улууһун баһылыга Айаал Бурцев