Чурапчы улууһа анал байыаннай дьайыы кыттыылаахтарыгар уонна кинилэр дьиэ кэргэннэригэр... — 20 августа 2026 г. в 04:28:15.755
Чурапчы улууһа анал байыаннай дьайыы кыттыылаахтарыгар уонна кинилэр дьиэ кэргэннэригэр көмөлөһөр үлэни былааннаахтык ыытар. Гуманитарнай көмөнү хомуйан тиэрдиигэ анал байыаннай дьайыы сиригэр улуус делегацията 15-тэ баран кэллэ. Бүгүҥҥү күҥҥэ 120-тэн тахса мөл. солкуобайы улуус бүддьүөтүттэн саҕалаан, спонсордар, улуус дьоно-сэргэтэ хомуйан, байыаннай дьайыыга туттуллар араас тэриллэр уо.д.а. тиэрдиллэ тураллар, буойуннар дьиэ кэргэннэригэр олох-дьаһах өттүгэр, айаннарыгар, үөрэххэ, хаһаайыстыбаларыгар күннээҕи түбүктэригэр суботниктаан уо.д.а. көмөлөһүү тиһигин быспакка утумнаахтык оҥоһуллар. Ил Дархан Чурапчыга сырыытын кэмигэр алта оҕолоох Вероника, Гавриил Степановтарга сылдьан, хайдах олороллорун ирэ-хоро кэпсэттэ-ипсэттэ. Гавриил 2023 сылтан хантарааҕынан анал байыаннай дьайыыга чиэстээхтик сулууспалыы сылдьар. Вероника ийэтэ пенсия ананыытын, төлөөһүнүн туһунан туруорсуутугар Ил Дархан дьаһал биэрэн быһаарарга көмөлөһүөх буолла. Биһиги барыбыт эйэлээх олоҕун туһугар киирсэ сылдьар анал байыаннай дьайыы кыттыылаахтарыгар, кинилэр дьонноругар көмөлөһөр, көрөр-истэр эбээһинэстээхпит.